МАҶЛИСИ ШӮРОИ ҲАМОҲАНГСОЗ

                Маскав, 10 сентябр. (АМИТ «Ховар», Ҳалима Хушқадамова ). – Имрӯз дар шаҳри Бишкек маҷлиси Шӯрои ҳамоҳангсози роҳбарони мақомоти салоҳиятдори давлатҳои аъзои Созмони аҳдномаи амнияти дастаҷамъӣ дар масъалаи мубориза ба муқобили хариду фурӯши ғайриқонунии маводи нашъадор кушода мешавад.                 Дар он натиҷаҳои фаъолияти Шӯрои ҳамоҳангсоз ҷамъбаст намуда, ташкили маркази умумии маълумот роҷеъ ба проблемаҳои хариду фурӯши маводи нашъадор ва тақвияти мубориза ба муқобили он мавриди баррасӣ қарор дода мешавад.                Инчунин роҳу воситаҳои иштироки муассисаҳои молиявии давлатҳои аъзои Гурӯҳи Евразия дар мубориза ба муқобили қонунӣ гардионидани даромади бо роҳҳои ҷиноӣ бадастомада ва бо маблағ таъмин намудани фаъолияти созмонҳои террористӣ мувофиқа карда хоҳад шуд.                Иштирокчиёни маҷлис лоиҳаи меморандумро дар бораи ҳамкории Шӯрои ҳамоҳангсози роҳбарони мақомоти салоҳиятдори мамлакатҳои аъзои созмон ва Кумитаи роҳбарони мақомоти муҳофизи қонуну тартиботи Шӯрои роҳбарони муассисаҳои гумруки давлатҳои ИДМ баррасӣ мекунанд.