НАҚШАИ СОХТМОНИ МАРКАЗИ ГАРМӢ ТАҒЙИР ДОДА ШУД

                 Душанбе, 23 сентябр. (АМИТ «Ховар», Кристина Эрлих). – Мутахассисони ширкати «Tebian Electric Apparatus» — и Ҷумҳурии Мардумии Чин, ки сохтмони Маркази барқу гармидиҳиро ба зимма гирифтаанд, қарор доданд, ба нақшаи сохтмони он тағйирот ворид созанд.                  Аз дафтари матбуоти вазорати энергетика ва саноати Тоҷикистон ба мухбири АМИТ «Ховар» хабар доданд, ки тағйироти мазкур асосан ба афзун гардондани иқтидори марказ ва таҷҳизоти тоза кардани ҳавои он дахл дорад. Мутахассисони чинӣ пешниҳод мекунанд, ки иқтидори марказ аз 200 мегаватти ба нақша гирифташуда то 270 мегаватт зиёд карда шавад. Инчунин дар марказ ба ҷои таҷҳизоти дузинадори ҳавотозакунӣ таҷҳизоти сезинадори тоза кардани ҳаво аз партовҳои истеҳсолот сохта хоҳад шуд.                 Маркази мазкур, тибқи нақша бояд соли 2011 дар арафаи 20 — солагии истиқлолияти Ҷумҳурии Тоҷикистон ба истифода дода шавад. Дар ин ҷо баъди ба истифода додани марказ ҳар шабонарӯз 4,8 миллион киловатт – соат қувваи барқ истеҳсол карда хоҳад шуд.