ШИРКАТҲОИ БЕҲТАРИНИ АЛОҚАИ МОБИЛӢ МУАЙЯН ШУДАНД

               Душанбе, 4 сентябр. (АМИТ «Ховар», Кристина Эрлих).- Имрӯз 4 сентябр дар Муҷтамаи маҷаллаю рӯзномаҳои пойтахт маросими супоридани ҷоиза ба ғолибони озмуни ҳусни таваҷҷӯҳи мизоҷон дар бораи «Ширкатҳои беҳтарини алоқаи телефонию мобилии Тоҷикистон» баргузор мегардад.                Озмуни мазкур бо иштироки хонандагони «Аргументы и факты» ва мизоҷони ширкатҳои алоқаи мобилӣ 2 моҳ боз давом дошт. Дар он 9 ширкати мобилӣ иштирок мекунанд. Дар озмун 4 ширкати мобилӣ: «Индиго Тоҷикистон», «Билайн», «Вавилон» ва «МЛТ» ғолиб дониста шуд. Ҷоизаи ҳавасмандӣ насиби ширкати алоқаи телефонию мобилии вилояти Суғд «Индиго Сомон Ком» гардид. Дар доираи озмун байни муштариёни рӯзномаи «Аргументы и факты» лотереяи бурднок гузаронида шуд, ки дар он 12 хонандаи ҳафтанома ғолиб омад.