ҚАРИБ 4 ҲАЗОР ШАҲРВАНД НОМ ИВАЗ КАРДАНД

                 Душанбе, 19 октябр. (АМИТ «Ховар», Наргис Бойаҳмадова). – «Дар 9 моҳи соли 2009 аз ҷониби мақомоти сабти асноди ҳолати шаҳрвандӣ ном ва номи падарӣ 3 ҳазору 795 нафар шаҳрвандон иваз карда шуд», гуфт зимни нишасти матбуотӣ ба хабарнигорон Вазири адлияи Ҷумҳурии Тоҷикистон Бахтиёр Худоёров.                   Ҳамзамон Вазири адлия зикр кард, ки дар ин давра 124 ҳазору 538 сабти таваллуд, 23 ҳазору 356 сабти вафот ва 65 ҳазору 723 сабти никоҳ ба қайд гирифта шудааст.                  Бахтиёр Худоёров афзуд, ки аз ҷониби Вазорати адлия ва раёсатҳои он дар вилоятҳо дар ин давра 270 созмони ҷамъиятӣ ва беш 7 ҳазор шартномаҳои гарав ба қайди давлатӣ гирифта шудаанд.                     Инчунин, дар ин давра аз ҷониби мақомоти адлия ба буҷаи давлат беш аз 15 миллион сомонӣ боҷи давлатӣ ворид шуд, гуфт дар хотима Бахтиёр Худоёров.