30 МАРКАЗИ ИТТИЛООТИЮ ҲУҚУҚӢ БАРОИ ЗАНОН

                 Душанбе, 19 октябр. (АМИТ «Ховар», Ибодат Давлатова).- Кумита дар ҳамкорӣ бо ташкилотҳои ҷамъиятию байналмилалӣ ва дастгирии ЮНИФЕМ дар шаҳру ноҳияҳои ҷумҳурӣ беш аз 30 маркази иттилоотӣ-ҳуқуқию машваратӣ ва 7 маркази бӯҳронӣ таҳсис дод, зикр намуд дар баромади худ раиси Кумитаи кор бо занон ва оилаи назди Ҳукумати Ҷумҳурии Тоҷикистон Хайринисо Юсуфӣ.                    Дар марказҳо равоншиносону ҳуқуқшиносон тариқи ройгон ба ниёзмандон маслиҳат медиҳанд ва инчунин, барои дастгирии қурбониёни зӯроварӣ дар ҳамаи ин марказҳо ҳуҷра ва телефонҳои «Боварӣ» барои мардум қарор доранд, — қайд намуд Х. Юсуфӣ.                   Инчунин, барои ноболиғони душвортарбия Маркази махсус таъсис дода шуд, ки дар он айни замон 7 нафар бо тренингу курсҳои машваратию омӯзишӣ фарогирифта шуда ва рӯзҳои наздик 11 нафари дигар ба марказ ворид карда мешаванд.