АНҶУМАНИ Х ҲХДТ ДАЪВАТ КАРДА МЕШАВАД

                Душанбе, 27 октябр. (АМИТ «Ховар», Марзия Саидова). – 24 октябр таҳти роҳбарии Раиси Ҳизби Халқӣ — демократии Тоҷикистон (ҲХДТ) Эмомалӣ Раҳмон ҷаласаи навбатии Комиҷроияи ҲХДТ доир гардид. Дар назди иштирокчиён Раиси ҲХДТ, Президенти Ҷумҳурии Тоҷикистон Эмомалӣ Раҳмон баромад намуд. Ӯ, аз ҷумла, дар бораи омодагӣ ба интихоботи навбатии парлумонӣ, доир намудани интихоботи мазкур дар шароити шаффоф ва озод таъкид намуд.                Эмомалӣ Раҳмон изҳор дошт, ки ҳамчун Президенти Тоҷикистон ва Раиси ҲХДТ тамоми чораҳоро меандешад, то ин чорабинии муҳими сиёсӣ дар сатҳи баланд ва мутобиқи қонун сурат гирад.               Ҳамаи ҳизбу ҳаракатҳои сиёсӣ барои соҳиб шудан ба мандати вакилӣ бояд дар чаҳорчӯбаи Конститутсияи Ҷумҳурӣ амал намуда, маъракаи пешазинтихоботиро бо риояи эҳтиром ва меъёрҳои одобу ахлоқ доир намоянд.                Дар ҷаласа қарор қабул карда шуд, ки анҷумани Х ҲХДТ 26 декабри соли 2009 дар шаҳри Душанбе баргузор шавад.