БА КОДЕКСИ ОБИ ҶУМҲУРӢ ИЛОВАҲО ВОРИД КАРДА МЕШАВАД

                 Душанбе, 19 октябр.(АМИТ «Ховар», Марзия Саидова).-Лоиҳаи Қонунҳои конститутсионии Ҷумҳурии Тоҷикистон «Оид ба ворид намудани тағйиру илова ба Қонуни конститутсионии Ҷумҳурии Тоҷикистон «Дар бораи Ҳукумати Ҷумҳурии Тоҷикистон», «Дар бораи мақомоти маҳаллии ҳокимияти давлатӣ», лоиҳаи Қонунҳои Ҷумҳурии Тоҷикистон «Дар бораи ҳифзи табиат», «Дар бораи фаъолияти оперативӣ-ҷустуҷӯӣ», «Дар бораи ворид намудани иловаҳо ба Кодекси оби Ҷумҳурии Тоҷикистон», «Дар бораи Ҷамъияти Ҳилоли Аҳмари Тоҷикистон» ва «Дар бораи экспертизаи илмӣ ва илмӣ -техникӣ» аз масъалаҳое буданд, ки дар ҷаласаи Шӯрои Маҷлиси намояндагони Маҷлиси Олии ҷумҳурӣ 19 октябяр баррасӣ гардиданд.                 Зикр шуд, ки мақсад аз ворид намудани тағйиру иловаҳо ба лоиҳаҳои қонунҳои мазкур мутобиқ намудани онҳо ба раванди ҷомеа ва дар ин замина фароҳам овардани шароити мусоид барои тамоми табақаҳои аҳолии Ҷумҳурии Тоҷикистон аст.