ДАР ДУШАНБЕ МАСЪАЛАҲОИ ЗАБОНИ ВАО-РО БАРРАСӢ ХОҲАНД КАРД

                 Душанбе, 5 октябр. (АМИТ «Ховар», Фарангис Раҳимова). — 9-уми октябри соли равон Вазорати фарҳанги Ҷумҳурии Тоҷикистон дар мавзўи «Масъалаҳои забони ВАО» мизи мудаввар доир мекунад. Тавре ба АМИТ «Ховар» аз маркази матбуоти Вазорати фарҳанг хабар доданд, дар кори он намояндагони тамоми воситаҳои ахбори омма, устодони факултаҳои журналистикаи Донишгоҳи миллии Тоҷикистон ва Донишгоҳи Славянии Тоҷикистону Русия иштирок хоҳанд кард.                 Ҳадаф аз баргузории мизи гирд ин дар амал татбиқ намудани паёми Президенти мамлакат бахшида ба 20-солагии забони тоҷикӣ ва риоя намудани қонуни забон мебошад.                Ҳамчунин мулоҳизаву пешниҳодҳои аз ҷониби иштирокчиён баррасишударо дар шакли маҷмўа нашр хоҳад шуд.