МАНБАИ КАСАЛИИ СИЛ- МУҲОҶИРОНИ МЕҲНАТИАНД

                 Бадахшон, 23 октябр. (АМИТ «Ховар», Л. Додо).- Тибқи иттилои сардухтури беморхонаи вилоятии касалиҳои сил Маъзур Меҳтаршоев имрӯз дар беморхона 185 мариз табобат мегиранд, ки беш аз 100 нафари онҳо муҳоҷирони меҳнатианд. Аз сабаби он, ки катҳои беморхона танҳо барои 60 нафар мувофиқ гардонида шудааст, як қисмати онҳо дар хонаҳояшон табобат мегиранд. Табобат тибқи барномаи ДОТС ҷараён дорад ва ройгон аст. Ба гуфти Маъзур Меҳтаршоев соли ҷорӣ ин беморӣ асосан дар навоҳии Роштқалъаву Ишкошим ба қайд гирифта шуд, зеро муҳити табии ин навоҳӣ хеле сард аст. Монеаи пешбурди кор асосан нарасидани духтурони касалии сил мебошад.