МУҲОКИМАИ БАРНОМАИ ЯДРОИИ ЭРОН

                 Женева, 1 октябр. (АМИТ «Ховар» — itar – tass.com). — Имрӯз дар Женева машварати намояндагони мамлакатҳои Русия, Чин, ИМА, Британияи Кабир, Олмон ва Фаронса бо намояндагони Эрон дар масъалаи барномаи ядроии он кушода мешавад. Иштирокчиёни мулоқот ба масъалаи сохтмони корхонаи дуюми тоза кардани моддаи радиоактивии уран дар шаҳри Кум, инчунин идомаи озмоиши мушакҳо дар Эрон дахл хоҳанд кард.                  Вазири корҳои хориҷии Русия Сергей Лавров дирӯз Теҳронро даъват кард, ки бо Агентии байналхалқии энергияи атом самарабахштару фаъолонатар ҳамкорӣ кунад. Вазири корҳои хориҷии Русия изҳор намуд, ки озмоиши мушакҳо дар Эрон дар заминаи ҳал нагардидани барномаи ядроии он сабаби ташвишу изтироби ҷомеаи ҷаҳон мегардад.                   Аз Русия дар мулоқоти шашгона муовини вазири корҳои хориҷӣ Сергей Рябков иштирок хоҳад кард.