МУКОФОТ СОҲИБИ ХУДРО ЁФТ

                Душанбе, 1 октябр. (АМИТ «Ховар», Людмила Дубинина). – 30 сентябр дар Сафоратхонаи Федератсияи Русия дар Тоҷикистон ба иштирокчии амалиёти ҳарбӣ дар Афғонистон, шаҳрванди Ҷумҳурии Тоҷикистон Исматулло Икромов дар вазъияти ботантана медали «Барои ҷасорат» супорида шуд. Медалро сафири Русия дар Тоҷикистон Юрий Попов супорид.                   И.Икромов бо медали мазкур 25 сол пеш бо фармони Раёсати Шӯрои олии ИҶШС аз 25 майи соли 1987 мукофотонида шуда буд. Хурсандиовар аст, ки мукофот ба соҳибаш дар арафаи иди 65 – солагии ғалабаи халқҳои шӯравӣ дар ҶБВ супорида мешавад, гуфт сафир. Халқҳои русу тоҷик дар ин ҷанг дӯш ба дӯши ҳамдигар ширкат варзида, маҳрумиятҳои калонро аз сар гузаронида, ғалабаи комилро таъмин намуданд.                  Бо медали «Барои ҷасорат» онҳое мукофотонида мешаванд, ки дар ҷараёни амалиёти ҳарбӣ ҷасорату мардонагӣ нишон додаанд.