МУЛОҚОТИ Ҳ. ЗАРИФӢ БО Г. КАРАСИН

                Душанбе, 16 октябр.(АМИТ «Ховар», Наргис Бояхмедова). – Дирӯз дар Душанбе вазири корҳои хориҷии Ҷумҳурии Тоҷикистон Ҳамрохон Зарифӣ бо муовини вазири корҳои хориҷии Русия Григорий Карасин, бо хоҳиши ӯ мулоқот анҷом дод.                 Тавре ба АМИТ «Ховар» роҳбари раёсати иттилооти ВКХ Ҷумҳурии Тоҷикистон Давлат Назриев хабар дод, ҳангоми вохӯрӣ ҷонибҳо ҳолат ва дурнамои муносибатҳои Тоҷикистону Русияро баррасӣ карда, оид ба вазъият дар минтақа ва ҳамчунин доир ба омодагӣ ба сафари давлатии Президенти Ҷумҳурии Тоҷикистон Эмомалӣ Раҳмон ба Федератсияи Русия муколама сурат гирифт.                  Муовини вазири корҳои хориҷии Русия Григорий Карасин дар доираи чорабиниҳои Конфронси сеюми ҳамватанони русиягии сокини Осиёи Марказӣ, ки дар Душанбе ҷараён дорад, ба Душанбе омадааст.