МУЛОҚОТИ Э.РАҲМОН БО САФИРИ НАВИ ИМА

                  Душанбе, 2 октябр. (АМИТ «Ховар»). – Ин лаҳзаҳо дар Қасри Президент мулоқоти Сардори давлат Эмомалӣ Раҳмон бо сафири нави фавқулодда ва мухтори Иёлоти Муттаҳидаи Амрико дар Ҷумҳурии Тоҷикистон Кеннет Гросс давом дорад. Сафири ИМА қабл аз мулоқот ба Президенти Тоҷикистон эътиборнома супорид.                 Мухбири АМИТ «Ховар» хабар медиҳад, ки Сардори давлати Тоҷикистон ҳамроҳи Кеннет Гросс вазъи имрӯза ва нақшаҳои ояндаи муносибатҳои Тоҷикистону Амрикоро баррасӣ менамоянд.                 Ёдовар мешавем, ки К.Гросс қабл аз ин муовини сафири фавқулодда ва мухтори ИМА дар Тоҷикистон буда, инчунин дар намояндагии минтақавии ИМА дар шаҳри Басраи Ироқ кор кардааст. Вай ҳамчунин дар намояндагиҳои дипломатии мамлакаташ дар Куала – Лумпур ва Франкфурти лаби Майни Олмон хизмат кардааст.