СОҲАИ КИШОВАРЗӢ РУШД МЕЁБАД

                  Душанбе, 23 октябр. (АМИТ «Ховар», Лаззат Диловарзод).- Тибқи маълумоти маркази матбуотии Вазорати кишоварзӣ, ҳаҷми маҳсулоти умумии кишоварзӣ дар 9 моҳи соли ҷорӣ дар ҳамаи сохторҳои кишоварзӣ ба 5186,6 млн. сомонӣ расонида шуд, ки ин нисбат ба ҳамин давраи соли гузашта 9,5 фоиз зиёд мебошад. Махсусан дар соҳаи растанипарварӣ муваффақиятҳо бештар аст. Дар ин давра дар соҳаи зикршуда ба маблағи 3639,3 млн. сомонӣ ё 11, 2 фоиз ва чорводорӣ 1547,3 млн. сомонӣ маблағ ба даст оварда шудааст.                 Ҳаҷми умумии маҳсулоти кишоварзӣ дар ҳамаи сохторҳои хоҷагиҳои вилояти Хатлон 2608,1 млн. сомонӣ, вилояти Суғд -1386,3, ВМКБ -159,5 ва ноҳияҳои тобеи ҷумҳурӣ 1032,7 млн. сомониро ташкил дод, ки мутаносибан 10,1, — 10,5 — 3,0 ва 7,7 фоиз зиёд аст. Ҳамаи ин гувоҳи он аст, ки соҳаи кишоварзӣ сол то сол беҳтару хубтар рушд меёбад.