СОХТМОНИ ИНШООТИ ЭНЕРГЕТИКӢ ИДОМА ДОРАД

                 Душанбе, 30 октябр. (АМИТ «Ховар», Лаззат Диловарзод).- Бино ба маълумоти Муассисаи давлатии «Маркази идораи лоиҳаҳои бахши электроэнергетика», сармоягузории сармояи асосиро ба маблағи 483455,8 ҳазор сомонӣ асосан барои барқарорсозӣ ва сохтмони хатҳои интиқоли барқ ва сохтмони нерӯгоҳҳои хурди барқи обии «Тоҷ» — (255,4 ҳазор сомонӣ), «Шашболӣ» — (10054,3), «Сангикар» — (92,7) ва «Фатҳобод» — (21294,7 ҳазор сомонӣ) дар ноҳияи Тоҷикобод, «Питовкӯл» — (419,5 ҳазор сомонӣ) дар ноҳияи Ҷиргатол сохта ба истифода дода шудааст.                   Ҳамчунин боиси тазаккур аст, ки як қисми маблағҳои сохтмонӣ дар нерӯгоҳи «Бойғозӣ» — (73,9 ҳазор сомонӣ), «Ҳорма» — (54,4 ҳазор сомонӣ) ва «Марзич» — (4792 ҳазор сомонӣ) масраф гардидааст.