ҶАВОНОН ПРЕЗИДЕНТРО ТАБРИК КАРДАНД

                  Душанбе, 24 ноябр. (АМИТ «Ховар», Наталя Михайлова).- Имрӯз, 24 ноябр бо ташаббуси Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон 300 нафар донишҷӯёни мактабҳои олии пойтахт Президенти мамлакат Эмомалӣ Раҳмонро бо Парчами давлатии Ҷумҳурии Тоҷикистон, ки дарозиаш 90 метр ва бараш 4,5 метрро ташкил медод, пешвоз гирифтанд. Ин чорабинӣ ба рӯзи Парчами давлатии Ҷумҳурии Тоҷикистон, ки ҳамасола 24 ноябр қайд гирифта мешавад, бахшида шуда буд.                  Ёдовар мешавем, ки ҳафтаи гузашта Президенти Ҷумҳурии Тоҷикистон Эмомалӣ Раҳмон қонунҳои нави Ҷумҳурии Тоҷикистонро дар бораи ворид кардани тағйирот ба қонун «Оид ба рӯзҳои ид» ба тасвиб расонид, ки мувофиқи он ҳамасола 30 сентябр ҳамчун Рӯзи Мавлоно Ҷалолиддини Балхӣ ва 24 ноябр ҳамчун Рӯзи Парчами давлатии Ҷумҳурии Тоҷикистон қайд карда мешаванд.