ИСТЕҲСОЛИ МАҲСУЛОТҲОИ ПОЛЕЗӢ ДАР ХАТЛОН

                Хатлон, 9 ноябр. (АМИТ «Ховар», Сулаймон Холов).-Мувофиқи маълумоти омории вилояти Хатлон дар хоҷагиҳои ҷамоатӣ ва деҳқонӣ истеҳсоли сабзавот, картошка ва полезиҳо нисбат ба нишондодҳои ҳамин давраи соли гузашта мутаносибан 2,2 маротиба зиёд гардидааст. Дар ҳамаи бахшҳои хоҷагидорӣ бошад, ҷамъ 814,2 ҳазор тонна сабзавот, полезӣ ва картошка истеҳсол карда шудааст, ки нисбат ба нақша 192,7 ҳазор тонна зиёд мебошад. Тибқи маълумот то ин давра аз вилоят ба хориҷи кишвар: ба Федератсияи Русия, Қазоқистон, Ӯзбекистон ва Ҷумҳурии Исломии Афғонистон 17204 тонна маҳсулоти кишоварзӣ содир карда шудааст, ки 100,5 % нақшаро дар бар мегирад.