НАМОЯНДАГОНИ ИДМ ДАР ҶУМҲУРИИ БЕЛОРУС

                  Маскав, 24 ноябр. (АМИТ «Ховар», Ҳалима Хушқадамова). – Пагоҳ аъзои Шӯрои намояндагони доимии ваколатдори давлатҳо – аъзои ИДМ аз Академияи ВКД – и Ҷумҳурии Белорус дидан хоҳанд кард. Академияи ВКД – и Ҷумҳурии Белорус воқеъ дар шаҳри Минск, яке аз ташкилотҳои асосии ИДМ оид ба омода кардан, такмили ихтисос ва бозомӯзии мутахассисон дар соҳаи муҳоҷират ва мубориза бар зидди тиҷорати одамон ба ҳисоб меравад.                  Аъзои Шӯро бо роҳбарияти академия вохӯрда, бо кори Маркази таълимии байналхалқӣ оид ба омода кардан, такмили ихтисос ва бозомӯзии мутахассисони соҳаи муҳоҷират ва мубориза бар зидди тиҷорати одамон шинос шуда, дар хусуси ҳамкориҳои минбаъда бо истифода аз имкониятҳои ин Маркази байналмилалӣ мубодилаи афкор мекунанд. Сипас ба аъзои Шӯро дастовардҳои илмиву амалии Академияи мазкур намоиш дода мешавад.