САҲМИ КӮЛОБ ДАР СОХТМОНИ РОҒУН
Кӯлоб, 23 ноябр. (АМИТ «Ховар», Сулаймон Холов).-Муроҷиати сарвари давлат доир ба саҳм гузоштан дар сохтмони иншооти бузурги энергетикӣ, Нерӯгоҳи барқи обии Роғун аз ҷониби табақаҳои гуногуни аҳолии кишвар дастгирии ҳамаҷониба пайдо намуда истодааст. Дар шаҳру ноҳияи Кӯлоб 40 нафар кормандони шӯъбаи бонки давлатии амонатгузории Ҷумҳурии Тоҷикистон дар маҷлиси васеъи корхона қарор қабул намуданд, ки маоши якрӯзаи худро ба суратҳисоби нерӯгоҳи барқи обии Роғун мегузаронанд. Бо дастгирӣ аз ин иқдом кормандони бозори "Саховат"-и шаҳри Кӯлоб низ маоши якмоҳаи худро ба ин мақсад равона сохтанд. Тавре аз маркази матбуотии мақомоти иҷроияи ҳокимияти давлатии шаҳри Кӯлоб иттилоъ доданд, кормандони дастгоҳи раиси шаҳри Кӯлоб, соҳаи маориф, тандурустӣ ва фарҳанги шаҳр саҳми худро дар сохтмони нерӯгоҳ мегузоранд. Бояд қайд намуд, ки яке аз аввалинҳо шуда, муроҷиати сарвари давлатро шӯрои собиқадорони ҷангу меҳнати шаҳри Кӯлоб дастгирӣ намуда буданд ва муроҷиатномаи онҳо ба табақаҳои гуногуни аҳолии шаҳру ноҳия ҳисси ватандӯстию ободкориро дучанд менамояд.
Дар қисми низомии Вазорати мудофиаи Ҷумҳурии Тоҷикистон ҳамоиши сиёсӣ-маърифатӣ баргузор гардид
Роҳбарони парламентҳои давлатҳои Осиёи Марказӣ дар пояи муҷассамаи Исмоили Сомонӣ гулчанбар гузоштанд
Имрӯз дар баъзе ноҳияҳои кӯҳии Тоҷикистон бориши борону барф пешгӯӣ мешавад
«МегаФон Тоҷикистон»: зеҳни сунъӣ- муфид ва бехатар
ДАЪВАТИ ТИРАМОҲӢ. Нақшаи даъвати ҳарбӣ дар шаҳри Конибодом иҷро гардид
Ҷаласаи навбатии Шурои Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор гардид
Байни Маркази барномаҳои байналмилалӣ ва ширкати «Beijing Yude International Education Technology Group Co., Ltd.» Ёддошти тафоҳум ба имзо расид
ОМОДАГӢ БА ЗИМИСТОН. Ҳангоми истифодаи ангишт барои гармкунии манзил қоидаҳои бехатариро риоя намоед!
