ТАҶЛИЛИ РӮЗИ ПАРЧАМИ ДАВЛАТӢ ДАР СУҒД

                  Душанбе, 24 ноябр. (АМИТ «Ховар», Бекназари Абӯбакр). — Имрӯз, 24 ноябри соли 2009 дар саросари ҷумҳурӣ, дар раванди дигаркуниҳои куллӣ дар ҳаёти сиёсии мамлакат ва дар партави сиёсати хирадмандонаи Президенти кишвар Эмомалӣ Раҳмон сокинони Тоҷикистон бори нахуст Рӯзи Парчами давлатиро таҷлил менамоянд. Ин санаи муҳим дар вилояти Суғд низ бо тантана таҷлил гардид. Тантанаҳои вилоятии ин ҷашн дар назди мақомоти иҷроияи ҳокимияти давлатии вилояти Суғд бо иштироки намояндагони аҳли зиё, донишҷён, кормандони соҳаҳои маорифу тиб, собиқадорони меҳнат ва дигарон ҷараён гирифтанд.                     Раиси вилояти Суғд Қоҳир Расулзода зимни суханронӣ ба ифтихори ҷашни Рӯзи Парчами давлатӣ кулли ҷамъомадагонро бо ин санаи таърихӣ табрик намуда, зикр кард, ки эълон шудани Рӯзи Парчами Тоҷикистон воқеаест фараҳбахш ва баргузории он дар замири ҳар фарди ватандӯст ва сокини Тоҷикистони азиз эҳсоси дӯст доштан ва парастиш кардани ин марзу бумро дучанд менамояд.                     Мавриди зикр аст, ки дар замони истиқлолияти давлатии Ҷумҳурии Тоҷикистон Парчами давлатӣ чун рамзи давлатдории навини тоҷикон назди биноҳои намояндагии Ҷумҳурии Тоҷикистон қарор гирифта, назди ташкилотҳои байналхалқии кишвари мо аъзои он буда барафрохта мешавад, ҳангоми ғолибияти варзишгаронамон дар мусобиқаҳои варзишӣ баланд парафшонӣ мекунад. Ин ифтихорест, ки бо шарофати Истиқлолият ба мо насиб гаштааст.                    Гуфтанист, ки мутобиқи Конститутсияи Ҷумҳурии Тоҷикистон Парчам, Нишон ва Суруди миллӣ рамзҳои асосии давлат мебошанд. Дар таърихи нави инсоният ин се падидаи ҷамъияти инсонӣ нишонаи соҳибихтиёрӣ ва соҳибистиқлолии ҳар як давлату миллат ба ҳисоб мераванд.                      Дар ин чорабинӣ дар назди ҳозирин маросими савгандёдкунии наваскарони гарнизони ҳарбии Суғд сурат гирифта, дар охир сарбозон баҳри эҳтиром овардан ба Парчами давлатӣ сафкашон аз майдон гузаштан