ТЕРРОРИСТ ДАСТГИР ШУД

                    Маскав, 23 ноябр. (АМИТ «Ховар» — кр.ру). – Кормандони шӯъбаи Маркази «Экстремизм» — и ВКД Русия 22 ноябр дар хиёбони Новий Арбати шаҳри Маскав шаҳрванди 33 – солаи Тоҷикистон С.Қозиевро дастгир намуданд, ки ӯро мақомоти махсуси Ҷумҳурии Тоҷикистон аз 30 марти соли равон ҷустуҷӯ мекарданд. С.Қозиев мувофиқи моддаҳои дахлдори Кодекси ҷиноӣ ба терроризм, ташкили гурӯҳи ҷинояткор ва иштирок дар он, инчунин иштирок дар фаъолияти гурӯҳи муташаккили мусаллаҳ гунаҳкор карда мешавад.                       Кормандони Раёсати бозрасии давлатии шаҳри Маскав мошини сабукрави С.Қозиевро барои тафтиши ҳуҷҷатҳо боздоштанд. С.Қозиев ба кормандони политсияи нақлиёт шиносномаеро нишон дод, ки ба номи Холдоров навишта шуда буд.                         Зимни кофтукови мошин боз як шиносномаи дигар ёфт шуд. Асолати он тафтиш карда мешавад. С.Қозиев рӯзҳои наздик ба мақомоти муҳофизи қонуни Тоҷикистон супорида хоҳад шуд.