18 СОЛ ПЕШ ИҶШС БАРҲАМ ХӮРДА БУД

                  Душанбе, 22 декабр. (АМИТ «Ховар», Наталя Михайлова). — Расо 18 сол пеш, 21 декабри соли 1991 давлати бузург ва абарқудрати Иттиҳоди Ҷумҳуриҳои Шӯравии Сотсиалистӣ барҳам хӯрда буд. Ҳамон рӯз президентҳои Федератсияи Русия Борис Елсин, Украина Леонид Кравчук ва раиси Шӯрои олии Белорусия Станислав Шушкевич дар наздикии Брест дар бораи барҳам хӯрдани ИҶШС ва ташкили Иттиҳоди Давлатҳои Мустақил созишнома имзо карданд. Бояд гуфт, ки Литва, Латвия ва Эстония ҳанӯз соли 1989 аз ҳайати ИҶШС хориҷ гардида буданд, Молдавия ва Гурҷистон соли 1990 худро мустақил эълон намуданд.                   10 декабри ҳамон сол созишномаи ташкили ИДМ – ро шӯроҳои олии Белорусияю Украина ва 12 декабр Шӯрои олии Русия тасдиқ намуданд.                    13 декабр дар Ашқобод мулоқоти президентҳои 5 давлати Осиёи марказӣ — Тоҷикистон, Қазоқистон, Қирғизистон, Туркманистон ва Ӯзбекистон баргузор гардид. Дар изҳороти қабулнамудани роҳбарони ин давлатҳо қайд карда шуд, ки ҳамаи ҷумҳуриҳои Осиёи Марказӣ ба ҳайати ИДМ дохил мешаванд. Созишноаи ҷумҳуриҳои Осиёи Марказӣ ва ҳуҷҷатҳои дигари дахлдорро Шӯрои олии Русия ба тасвиб расонд. Ҳамон вақт созиномаи соли 1922 қабулшуда дар бораи ташкили ИҶШС беэътибор дониста шуд.                    Иттиҳоди Давлатҳои Мустақил дар асоси Оиннома фаъолият дорад, ки онро Шӯрои сарони давлатҳо 22 январи соли 1993 қабул карда буданд.                    Барҳам хӯрдани ИҶШС дар назди ҷумҳуриҳои собиқи шӯравӣ вазифаи ба куллӣ тағйир додани муносибатҳои сиёсию иқтисодиро гузошт. Дар давоми 18 соли охир байни давлатҳои аъзои ИДМ роҳу усулҳои ба роҳ андохтани муносибатҳо ва ҳамкории самарабахш муқаррар карда шуданд. Муносибатҳои онҳо ба туфайли ҷидду ҷаҳди сарони давлатҳои ИДМ сол то сол густариш меёбад.