800 ДОЛЛАР БАРОИ ОМОДА НАМУДАНИ СЕРТИФИКАТ?

                    Душанбе, 15 декабр. (АМИТ «Ховар», Бекназари Абӯбакр). — Шаҳрванд «И» ба Сарраёсати Агентии назорати давлатии молиявӣ ва мубориза бо коррупсияи ҶТ бо ариза муроҷиат намуд, ки санаи 28 сентябри соли 2009 ба корманди Корхонаи фаръии давлатии «Танзими замин»-и шаҳри Душанбе Маҳмадуллоев Ёрбек барои замини наздиҳавлигии хонаи истиқоматии воқеъ дар шаҳри Душанбе, ҷиҳати тайёр намудани сертификати ҳуқуқи истифодаи замин муроҷиат намудааст. Ё. Маҳмадуллоев бошад, барои тайёр намудани сертификат аз ў 800 доллари ИМА талаб кардааст.                     Баъди гузаронидани чорабиниҳои оперативӣ-ҷустуҷўӣ рўзи 12 октябри соли 2009 Маҳмадуллоев Ёрбек дар вақти гирифтани пора аз шаҳрванд «И» ба маблағи 750 доллари ИМА дар ҷои ҳодиса дасгир карда шуд.                      Нисбати Ё. Маҳмадуллоев бо аломатҳои моддаҳои 32 ва 324 қ.1 КҶ Ҷумҳурии Тоҷикистон парвандаи ҷиноятӣ оғоз гардида, чораи пешгирӣ дар намуди ҳабс татбиқ карда шуда, тафтишот идома дорад.