ХАБАРИ НАМОЯНДАИ ДОИМИИ СММ ДАР ТОҶИКИСТОН
Душанбе, 3 декабр. (АМИТ «Ховар», Наталя Михайлова). — Маъмурияти намояндагии доимии СММ дар Тоҷикистон 2 декабр дар бораи шароити зиндагии аҳолии аз офатҳои табиӣ зарардидаи ноҳияи Хуросон изҳорот дарҷ намуд. Дар изҳорот гуфта мешавад, ки фасли баҳори имсол бештар аз 1000 нафар сокинони ноҳияи Хуросон бар асари боришоти тӯлонӣ ва омадани сел бесарпаноҳ монда б уданд. Қисми зиёди онҳо имрӯз ҳам соҳиби манзил нагардидаанд. Баъзе одамон то ҳол дар хаймаҳо зиндагӣ мекунанд, қисми дигарон дар мактабҳо сарпаноҳ ёфтаанд. Дар ноҳияи Хуросон 3000 нафар баъди рух додани фалокат ба ҷойҳои дигар кӯчонида шуда буданд. Ҳукумати Тоҷикистон барои сохтмони манзил қитъаҳои замин ҷудо карда буд. Ташкилотҳои гуногун дар ин қитъаҳо барои 150 оила хона сохтанд. Созмонҳои дигари башардӯстона ба сохтмони шабакаҳои обрасонӣ ва таъминоти асбобу анҷоми рӯзгор, ва ғайра машғуланд. Дар изҳороти СММ қайд карда мешавад, ки ҳамаи ин барои таъминоти аҳолии зарардида кифоя нест. Барои таъминоти пурраи аҳолии зарардида бо манзил бештар аз 7,7 миллион доллари ИМА зарур мебошад. То имрӯз барои сохтани манзил дар ин ҷо ҳамагӣ 1,7 миллион доллар сарф шудаасту халос, гуфта мешавад дар изҳорот.
Дар қисми низомии Вазорати мудофиаи Ҷумҳурии Тоҷикистон ҳамоиши сиёсӣ-маърифатӣ баргузор гардид
Роҳбарони парламентҳои давлатҳои Осиёи Марказӣ дар пояи муҷассамаи Исмоили Сомонӣ гулчанбар гузоштанд
Имрӯз дар баъзе ноҳияҳои кӯҳии Тоҷикистон бориши борону барф пешгӯӣ мешавад
«МегаФон Тоҷикистон»: зеҳни сунъӣ- муфид ва бехатар
ДАЪВАТИ ТИРАМОҲӢ. Нақшаи даъвати ҳарбӣ дар шаҳри Конибодом иҷро гардид
Ҷаласаи навбатии Шурои Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор гардид
Байни Маркази барномаҳои байналмилалӣ ва ширкати «Beijing Yude International Education Technology Group Co., Ltd.» Ёддошти тафоҳум ба имзо расид
ОМОДАГӢ БА ЗИМИСТОН. Ҳангоми истифодаи ангишт барои гармкунии манзил қоидаҳои бехатариро риоя намоед!
