КОРХОНАҲОИ НАВ БА КОР ДАРОВАРА ШУДАНД
Ноҳияи Бобоҷон Ғафуров, 23 декабр. (АМИТ «Ховар», Санавбар Мақсудова). — Роҳбари дастгоҳи раиси ноҳияи Бобоҷон Ғафуров Маъруфҷон Ҳакимов ба АМИТ «Ховар» хабар дод, ки дар давоми 11 моҳи гузаштаи соли равон дар ноҳия 15 коргоҳи нави хурду калон ба истифода дода шуд. Дар натиҷа қариб 120 нафар бо кори доимӣ таъмин гардид. Қайд карда шуд, ки то охири сол дар корхонаи «Алфа – Пет» коргоҳи нави истеҳсоли сарпӯшҳои пластикӣ ба кор дароварда мешавад. Дар ин ҷо боз 10 нафари дигар соҳиби ҷои кор хоҳад гашт. Қайд карда шуд, ки айни ҳол дар ноҳия 30 корхонаи хурду калони саноатӣ фаъолият дорад. Аз ин ҷумла, 14 корхона дар давоми 11 моҳи гузашта ҳаҷми истеҳсоли маҳсулотро зиёд намуданд. Дар ноҳия дар ин муддат ба маблағи 79,1 миллион сомонӣ маҳсулоти саноатӣ истеҳсол карда шуд. Маъруфҷон Ҳакимов афзуд, ки соли 2010 дар корхонаи равғанкашӣ дастгоҳи нави истеҳсоли равған аз зироати рапс насб карда мешавад. Дар корхонаи «Ғаллаи Сибир» коргоҳи истеҳсоли макарон ва Ҷамъияти саҳҳомии «Комрон» коргоҳи нави заҳролуд сохтани чигит мавриди истифода қарор дода мешаванд. Дар он таҷҳизоти сохти Юнон насб карда хоҳад шуд.
Аз 1 то 3 май дар баъзе шаҳру ноҳияҳои Тоҷикистон ифлосшавии ҳавои атмосферӣ дар назар аст
Монографияи илмӣ оид ба журналистикаи сайёҳӣ ба нашр расид
«ТОҶИКИСТОНИ МАН!». Дар шаҳри Ҳисор маҳфил-озмун ҷамъбаст гардид
Имрӯз дар минтақаҳои доманакӯҳии ноҳияҳои тобеи Тоҷикистон сар задани сел пешгӯӣ мешавад
Сокини ноҳияи Кӯшониён аз ҳар қуттӣ кирмак то 35 килограмм пилла ба даст меорад
Имрӯз дар баъзе минтақаҳои Тоҷикистон борон меборад
Имрӯз дар баъзе минтақаҳои Тоҷикистон рӯзона борони кӯтоҳмуддат меборад
Дар шаҳри Бӯстон доир ба татбиқи лоиҳаҳои муштараки иҷтимоӣ бо соҳибкорон вохӯрӣ баргузор шуд
Дар даҳсолаи охир дар ҷаҳон шумораи одамони бо гуруснагии фалокатбор рӯбарӯ нуҳ маротиба афзоиш ёфтааст
Имрӯз дар шаҳри Душанбе ҳаво то 29 дараҷа гарм мешавад
Имрӯз дар Тоҷикистон ҳавои тағйирёбандаи бебориш пешгӯӣ мешавад
Озмуни ҷумҳуриявии «Ҷавонон муқобили коррупсия» баргузор мешавад
