КОРХОНАИ МУШТАРАКИ «МУЛЛОЗОДА — ГРУПП» ДАР ТОҶИКИСТОН

                    Душанбе, 14 декабр. (АМИТ «Ховар», Покиза Маҳмадбекова). — Муовини Раиси Палатаи савдо ва саноати Ҷумҳурии Тоҷикистон Асаналӣ Карамалиев бо роҳбарият ва намояндагони ширкати хориҷии «Муллозода — Групп» аз Ҷумҳурии исломии Афғонистон мулоқот анҷом дод. Тавре ба мухбири АМИТ «Ховар» иттилоъ доданд, ширкати «Муллозода-Групп» аз 14 корхонаҳои хусусии Афғонистон иборат буда, дар соҳаи саноат, сохтмон ва савдо фаъолият мекунад.                     Ҳангоми вохӯрӣ роҳбари ширкат И.Муллозода изҳор кард, ки онҳо бо мақсади тавсеаъ бахшидан ба ҳамкориҳои иқтисодӣ бо Тоҷикистон манфиатдор буда, ният доранд, дар риштаи коркарди пашм, истеҳсоли намак, парвариши масолеҳи кишоварзӣ, фурӯши молҳои саноатӣ ва хурокворӣ бо ҷониби Тоҷикистон ҳамкорӣ намоянд.