МУБОРИЗА БО КОРРУПСИЯ ДАР САТҲИ ДАВЛАТҲОИ ИДМ

                 Москав, 5 декабр. (АМИТ «Ховар», Ҳалима Хушқадамова). — Рӯзҳои 9-10 декабри соли ҷорӣ дар Кумитаи иҷрояи ИДМ гурӯҳи мутахассисон лоиҳаи Созишнома оид ба ҳамкории давлатҳо — аъзои ИДМ дар мубориза алайҳи ҷиноятҳои характери коррупсионидошта, аз ҷумла, ришваситонӣ, сӯиистифода аз вазифа, ваколатҳои мансабӣ, дуздии амвол бо истифода аз имкониятҳои хизматӣ ва мансабҳои давлатӣ, дигар амалҳое, ки бар зидди манфиатҳои ҷомеа ва давлат, барои гирифтани манфиати шахсӣ, ҳуқуқҳои молиявӣ барои худ ва ё шахсони сеюм равона шудааст, баррасӣ мегарданд.                   Тавре ба мухбири АМИТ «Ховар», аз маркази матбуоти Кумитаи иҷрояи ИДМ иттилоъ доданд, мувофиқи лоиҳаи Созишнома, мақсад аз ҳамкориҳои давлатҳо-аъзои ИДМ таҳия ва татбиқи барнома ва чорабиниҳои якҷояи босамар дар мубориза алайҳи коррупсия, роҳ надодан ба паҳншавии он, мутобиқсозии қонунҳои миллӣ ва бунёди асосҳои ҳуқуқии мубориза бар зидди чунин ҷиноятҳои хавфнок мебошад.