МУЛОҚОТИ О. ОҚИЛОВ БО ВОЛИИ САНКТ — ПЕТЕРБУРГ

                 Санкт — Петербург, 14 декабр. (АМИТ «Ховар» — гов. спб.ру). — Сарвазири Ҷумҳурии Тоҷикистон Оқил Оқилов 11 декабр дар шаҳри Смолний бо волии вилояти Санкт – Петербург Валентина Матвиенко мулоқот кард. Зимни мулоқот масъалаҳои ҳамкории дуҷониба, аз ҷумла, ба Тоҷикистон фиристодани маҳсулоти корхонаҳои саноатии Санкт – Петербург ва шароити кору зиндагии коргарони муҳоҷири тоҷик мавриди баррасӣ қарор гирифтанд.                    Мухбири АМИТ «Ховар» хабар медиҳад, ки маҳсулоти бисёр корхонаҳои саноатии Санкт — Петербург дар соҳаҳои гуногуни иқтисодиёти Тоҷикистон бомуваффақият истифода бурда мешаванд. Санкт – Петербург як мактаби русӣ ва шифохонаи гурӯҳи марзбони Хадамоти федералии марзбони Русияро дар шаҳри Душанбе таҳти сарпарастӣ қарор додааст. Мусоҳибон инчунин нақшаи кушодани филиалҳои мактабҳои олии Санкт – Петербургро дар Тоҷикистон муҳокима намуданд.