РӮЗҲОИ ИСТИРОҲАТ ДАР ИДИ СОЛИ НАВ

                   Душанбе, 30 декабр. (АМИТ «Ховар», Наталя Михайлова). — Мувофиқи Қонуни Ҷумҳурии Тоҷикистон «Дар бораи рӯзҳои ид» 1 январ рӯзи ид аст. Аз Федератсияи иттифоқҳои касабаи мустақили ҷумҳурӣ ба АМИТ «Ховар» хабар доданд, ки рӯзҳои 2 ва 3 январи соли 2010 ба рӯзҳои шанбе ва якшанбе рост меоянд, ин рӯзҳо барои корхонаю муассисаҳое, ки дар як ҳафта 5 рӯз кор ва 2 рӯз истироҳат мекунанд, рӯзҳои истироҳатӣ мебошанд.                     Ҳамин тариқ, дар Ҷумҳурии Тоҷикистон 1, 2 ва 3 январи соли 2010 рӯзҳои истироҳат муқаррар карда шудаанд, 4 январ рӯзи корӣ мебошад.