РАИСИ АДТ ДАР ДОНИШГОҲИ «ДӮСТИИ ХАЛҚҲО» ИНТИХОБ ШУД

                 Маскав, 2 декабря. (АМИТ «Ховар», Ҳалима Хушқадамова). — Дар анҷумани созмони донишҷӯёни тоҷик дар Донишгоҳи «Дӯстии халқҳо» — и шаҳри Маскав донишҷӯӣ соли сеюми донишгоҳи мазкур Фаридун Саидов раиси созмони донишҷӯёни тоҷик дар ин донишгоҳ интихоб гардид. Бояд гуфт, ки дар ин донишгоҳ созмони ҷавонони тоҷик бо номи «Ваҳдат» фаъолият дорад.                    Фаридун Саидов зимни сӯҳбат бо мухбири АМИТ «Ховар» зикр намуд, ки ҳадафи созмон муаррифии Ҷумҳурии Тоҷикистон дар байни донишҷӯни донишгоҳ ва сокинони шаҳри Маскав мебошад.                    Қайд кардан лозим аст, ки Донишгоҳи «Дӯстии халқҳо» яке аз марказҳои калонтарини илмӣ ва таълимии ҷаҳон ба шумор меравад. Дар он намояндагони 144 мамлакати ҷаҳон таҳсил мекунанд.                     Ф.Саидов моҳи августи соли 1989 дар шаҳри Душанбе таваллуд шуда, соли 2007 мактаби миёнаи № 6 Вазорати мудофиаи Федератсияи Русияро дар Тоҷикистон хатм карда, ҳамон сол ба Донишгоҳи «Дӯстии халқҳо» дохил шуд. Ӯ дар ин ҷо ихтисоси «сиёсатшинос» — ро меомӯзад. Ф.Саидов роҳбари гурӯҳи таҳлилии Пажӯҳишгоҳи сиёсати муосири Донишгоҳи «Дӯстии халқҳо» мебошад. Ӯ инчунин муаллифи силсилаи мақолаҳои таҳлилӣ бахшида ба проблемаҳои байналхалқӣ ва ҳаммуаллифи силсилаи китобҳо бахшида ба сиёсати дохилию хориҷии Ҷумҳурии Тоҷикистон аст.