САФАРИ ВАЗИРИ КОРҲОИ ХОРИҶӢ БА ОСИЁИ ҶАНУБУ ШАРҚӢ

                 Душанбе, 7 декабр. (АМИТ «Ховар», Наргис Бойаҳмедова) — Вазири корҳои хориҷии мамлакат Ҳамрохон Зарифӣ бо сафари расмӣ ба кишварҳои Осиёи ҷанубу шарқӣ рафт. Тавре ба мухбири АМИТ «Ховар» аз маркази матбуоти ВКХ ҶТ иттилоъ доданд, вазири корҳои хориҷии мамлакат аз кишварҳои Сингапур, Бруней-Доруссалом ва Индонезия дидан хоҳад кард. Дар рафти сафар Ҳ.Зарифӣ бо вазирони корҳои хориҷӣ ва шахсони расмии мамлакатҳои зиркшуда мулоқот анҷом медиҳад.                  Дар доираи сафари расмӣ Ҳ.Зарифӣ бо президенти Ҷумҳурии Индонезия Сусило Бамбанг Юдхойоно вохӯрда ба ӯ дархости Президенти Ҷумҳурии Тоҷикистон Эмомалӣ Раҳмонро оид ба анҷом додани сафари расмии президенти Ҷумҳурии Индонезия ба Ҷумҳурии Тоҷикистон месупорад.