СЕ БАЗАИ ТАЪМИНОТИ СӮЗИШВОРӢ БА ФУРӮШ ГУЗОШТА ШУД

                  Душанбе,16 декабр. (АМИТ «Ховар», Лаззат Диловарзод).- Бино ба маълумоти корхонаи воҳиди давлатӣ оид ба ташкили фурӯши амволи давлатии Кумитаи давлатии сармоягузоорӣ ва идораи амволи давлатии Ҷумҳурии Тоҷикистон аз тарафи корхонаи мазкур 3 базаи оид ба таъминоти сӯзишвории КВД «Фурудгоҳи байналмилалии Хуҷанд», «Фурудгоҳи байналмилалии Қӯрғонтеппа» ва «Фурудгоҳи байналмилалии Кӯлоб» ба фурӯш гузошта шуд.                   Бино ба маълумоти ҳамин манбаъ, қарзи кредитории иншоотҳои зикршуда беш аз 17 млн. сомонӣ мебошад.                   Фурӯш бо усули англисӣ сурат мегирад.                   Харидор ба ҳисоби фурӯшанда 5 фоизи маблағи комиссионӣ ва 0,5 фоиз боҷи давлатиро аз арзиши фурӯши иншоот месупорад.