ТАНЗИМИ ҲУҚУҚИИ ДАСТРАСӢ БА ИТТИЛООТ

                  Душанбе, 14 декабр. (АМИТ «Ховар», Наталя Михайлова). — Имрӯз дар толори бинои Иттифоқи журналистони Тоҷикистон бо ташаббуси Иттифоқи журналистони Тоҷикистон, Ассотсиатсия миллии васоити ахбори оммаи мустақили Точикистон, Ассотсиатсияи воситаҳои ахбори оммаи мустақили электронӣ дар ҳамкорӣ бо Идораи САҲА мизи мудаввар дар мавзӯи «Дастрасӣ ба иттилоот — кафили шаффофият ва ҳисобот» баргузор мегардад.                  Иштирокдорони мизи мудаввар ҷиҳатҳои ҳуқуқӣ ва амалии дастрасӣ ба иттилоотро дар партави Қарори Ҳукумати Ҷумҳурии Тоҷикистон аз 31 октябри соли ҷорӣ «Оид ба тартиби ҷуброн намудани хароҷоте, ки бо пешниҳод намудани иттилоот ба мақомоту ташкилотҳо алоқаманд аст», баррасӣ мекунанд.                  Тавре ба мухбири АМИТ «Ховар» иттилоъ доданд, ба ин чорабинӣ намояндагони вазоратҳо, идораву ташкилотҳо, роҳбарони ВАО ватаниву хориҷӣ, сафоратхонаҳо ва дигар созмонҳои байналмилиалӣ даъват шудаанд.