33 МЛН. СОМОНӢ — САҲМИ ДУРӮЗАИ СУҒДИЁН БА «РОҒУН»

                  Душанбе, 8 январ. (АМИТ «Ховар», Бекназари Абӯбакр). — Аҳолии вилояти Суғд ба маблағи қариб 33 миллион сомонӣ саҳмияҳои Нерӯгоҳи барқи обии «Роғун»-ро харидаанд.                     Аз Ситоди вилоятии «Суғд барои НБО-и Роғун» ба АМИТ «Ховар» иттилоъ доданд, ки санаи 7-уми январ низ фурӯши саҳмияҳо дар ҳудуди вилоят хуб ҷараён гирифта, дар давоми ду рӯз ба маблағи 32 986 ҳазор сомонӣ саҳмия харидорӣ шудааст. Дар ин маъракаи муҳими умумимиллӣ сокинони шаҳру ноҳияҳои Табошар, Хуҷанд, Чкалов фаъол буданд.                  Фурӯши оммавии саҳмияҳо дар вилояти Суғд идома дорад.