46 ФОИЗИ МУРОҶИАТКУНАНДАҲО БО КОР ТАЪМИН ШУДАНД

                   Душанбе, 18 январ. (АМИТ «Ховар», Лаззат Диловарзод).- Бино ба маълумоти Вазорати меҳнат ва ҳифзи иҷтимоӣ, дар моҳи декабри соли 2009 дар Хадамоти шуғли аҳолӣ беш аз 60 ҳазор нафар корҷӯён ба қайд гирифта шуда буд, ки ин нисбат ба ҳамин давраи соли 2008 -0,5 фоиз ва нисбат ба моҳи ноябри соли 2009 – 0,1 фоиз камтар аст.                   Дар моҳи декабри соли 2009 беш аз 5 ҳазор нафар корҷӯён дар Хадамоти шуғли аҳолӣ номнавис шуда буданд, ки нисбат ба ҳамин давраи соли 2008 24,6 фоиз зиёд мебошад. Дар ин давра 2,4 ҳазор нафар бекорон ба кор таъмин шуданд, ки он 47,6 фоизи корҷӯёнро ташкил дод.                     Шумораи ҷойҳои холии кор дар корхонаҳое, ки ба Хадамоти шугли аҳолӣ муроҷиат карда буданд, дар моҳи декабри соли 2009 – 13,8 фоиз кам шуд.