АБДУҶАББОР РАҲМОНОВ ВА ҲАЛЛИ МУШКИЛОТИ КАДРӢ

                    Душанбе, 21 январ. (АМИТ «Ховар», Лаззат Диловарзод).- Дар конфронси ҷамъбастӣ, ки ба соли 2009 дар Вазорати маориф доир гардид, вазир аз нарасидани 25 нафар муаллимон, аз ҷумла 7 нафар дар ВМКБ, 15 нафар дар вилояти Хатлон ва 3 нафар дар вилояти Суғд ном бурд, ки боиси шакку шубҳаи хабарнигорони дохилу хориҷи кишвар гардид.                      Дар муддати се – чор моҳи охири соли 2009 ҳал шудани масъалаи кадрии педагогиро вазир шарҳ дода иброз дошт, ки ин мушкилотро бо ду роҳ дар вазорати маориф ҳал карданд.                    а) аз ҳисоби кам кардани соатҳои таълимӣ                    б) бо роҳи ба мактабҳо фиристонидани донишҷӯён                   Ҳанӯз дар ибтидои соли таҳсил вазири маорифи Ҷумҳурии Тоҷикистон Абдуҷаббор Рахмонов ба хабарнигорон иброз дошт, ки мактабҳои таҳсилоти ҳамагонӣ ба 4713 нафар мутахассисони педагогӣ ниёз доранд. Дар се – чор моҳ таъмин кардани 4713 нафар кадри педагогиро дар мактабҳои таълимоти ҳамагонии ҷумҳурӣ шубҳаовар ба назар мерасад.