ДОНИШҶӮЁНИ ТОҶИКИ ТУРКИЯ МУРОҶИАТНОМА ҚАБУЛ КАРДАНД

                   Анкара, 8 январ. (АМИТ «Ховар», Катерина Аксакова). — Шумораи навбатии маҷаллаи донишҷӯёни тоҷик, ки дар Туркия таҳсил мекунанд, бо номи «Ватан» аз чоп баромад.                   Тавре аз Сафорати Ҷумҳурии Тоҷикистон дар Туркия ба мухбири АМИТ «Ховар» иттилоъ доданд, маҷалла мақолаҳои ҷолиб ва хонданиро дар мавзӯҳои сиёсӣ, иқтисодӣ, илмӣ ва фарҳангӣ дар бар гирифтааст.                   «Саҳифаҳои асосии маҷалла ба мавзӯи сохтмони Нерӯгоҳи барқи обии Роғун, иштироки ҳамаи ҳамватанон, аз ҷумла донишҷӯёни дар кишвари Туркия таҳсилкунанда дар ин иншоооти миллӣ бахшида шудааст, — қайд кардан дар Сафорати мамлакат.- Боиси хушнудист, ки донишҷӯёни аз Ватан дур, бо ҳисси ватандӯстӣ аз номи Шӯрои донишҷӯёни Тоҷикистон дар Туркия, ба тамоми донишҷӯён, соҳибкорон, шаҳрвандони Тоҷикистони муқими Туркия муроҷиат карда, даъват карданд, ки дар бунёди ин иншооти муҳими умумихалқӣ саҳми худро гузоранд». Дар муроҷиатнома ҳамчунин гуфта мешавад, ки НБО Роғун ба қувва ва мутахассисони ҷавоне, ки дар хориҷи кишвар таҳсил мекунанд, ниёз дорад.                    Дар шумораи навбатии маҷалла мақолаҳои донишҷӯён, доир ба 15 солагии Сарқонуни Ҷумҳурии Тоҷикистон, Рӯзи парчами миллӣ дарҷ шудаанд. Ҳамчунин, маводҳои ҷолиб дар гӯшаҳои «Сиёсат ва иқтисодиёт», «Ҳаёти донишҷӯён», «Ҳаёти илмӣ ва фарҳангӣ», «Таҳқиқоти донишҷӯён» пешкаши хонандагон карда шудаанд.                     Ёдовар мешавем, ки маҷаллаи «Ватан» аз соли 2000 бо чор забон тоҷикӣ, туркӣ, англисӣ ва русӣ чоп мешавад. Хоҳишмандон ва мухлисон метавонанд, дар сайти интернетии Сафорати Ҷумҳурии Тоҷикистон дар Анқара ба таври муфассал шинос шаванд.