ФАЙЗОБОД: — 2 700 000 СОМОНӢ БА НБО «РОҒУН»

                 Файзобод, 15 январ. (АМИТ «Ховар», Зебо Давлатова).- Мардуми сарбаланди ноҳияи Файзобод дар сохтмони иншооти бузурги аср — НБО «Роғун» чун дигар ноҳияҳои ҷумҳурӣ саҳми назарраси худро мегузоранд.                  Тавре ба мухбири АМИТ «Ховар» муовини аввали раиси ноҳияи Файзобод Зиёратшо Ятимов иттилоъ дод, то имрӯз сокинони ноҳия ба маблағи 2 700 000 сомонӣ ба суратҳисоби НБО «Роғун» гузарониданд.                   Ӯ афзуд, ки ин маблағ ҳоло кофӣ набуда, дар оянда низ шаҳрвандон аз имкониятҳои молиявии худ истифода бурда, саҳмияҳои НБО «Роғун»-ро харидорӣ менамоянд.                    Инчунин, маорифчиёни ноҳияи Файзобод ба маблағи 467800 сомонӣ саҳмияҳои НБО «Роғун»-ро харидорӣ намуданд, ки ин рақами охирин нест.