ГУСТАРИШИ ҲАМКОРИҲОИ ТОҶИКИСТОНУ ЭРОН

                 Душанбе, 13 январ. (АМИТ «Ховар», Лаззат Диловарзод).- Соли 2010 оғози ҳамкориҳои нави ҶТ бо Ҷумҳурии Исломии Эрон маҳсуб меёбад.                   Дар ибтидои соли 2010 миёни Вазорати энергетика ва саноати ҶТ ва ширкати «Фороб» -и Ҷумҳурии Исломии Эрон меморандум оид ба омӯзиш ва сохтмони сарбанди нерӯгоҳи барқи обии Айнӣ дар дарёи Зарафшон ба имзо расонида шуд.                    Дар аввали моҳи январи соли 2010 ҳамчунин 5 ҳуҷҷати байнидавлатӣ миёни Тоҷикистону Эрон ба имзо расид.                     Боиси тазаккур аст, ки дар давоми 11 моҳи соли 2009 гардиши мол байни Тоҷикистону Эрон беш аз 115 млн. доллари амрикоиро ташкил дод.                     Айни замон, 150 ширкатҳои муштараки Тоҷикистону Эрон дар ҳудуди ин ду давлат фаъолият мекунанд.                     Имзои нави созишнома ва меморандум имкониятҳои бештари самарабахшро миёни Ҷумҳурии Тоҷикистон ва Ҷумҳурии Исломии Эрон дар сатҳи боз ҳам баланд густариш хоҳад дод,- иброз доштанд дар Палатаи савдо ва саноати ҶТ ба мухбири АМИТ «Ховар».