МЕҲМОНХОНАИ ПАНҶСИТОРАДОР ДАР ГАРМЧАШМА

                 Ишкошим, 23 январ. (АМИТ «Ховар», Лутфишои Додо). — Дар доираи чорабиниҳо бахшида ба ҷашни Ваҳдат дар ҳудуди шифохонаи Гармчашма сохтмони дармонгоҳи замонавӣ ва меҳмонхонаи панҷситорадор давом дорад.                  Тавре ба мухбири АМИТ «Ховар» мутасаддии сохтмони мазкур Валиҷон Тохтмадов иттилоъ дод, бинои дуқабатаи дармонгоҳ барои 68 ҷой ва меҳмонхона барои 40 ҷой пешбинӣ шуда, аллакай 80 фоизи корҳои сохтмонӣ иҷро гардиданд.                   Сохтмончиён новобаста ба сармои зимистон корро бо суръат идома медиҳанд. Дар назди шифохона сохтмони майдончаи варзишӣ барои калонсолон ва хурдсолон дар назар дошта шудааст. Сохтмони иншоотҳо то рӯзи ҷашнгирии иди Ваҳдат ба сифати баланд ба охир расонида мешаванд.                     Хотиррасон мекунем, ки бунёди ин иншоотҳоро ҷамъияти маҳдуди «Алюминсохтмон» ба ӯҳда дорад.