НАРХҲО ДАР СОЛИ 2009 БОЛО РАФТАНД

                  Душанбе, 13 январ. (АМИТ «Ховар», Лаззат Диловарзод).- Бино ба маълумоти Кумитаи давлатии омор, дар соли 2009 нархи маҳсулоти хӯрокворӣ боло рафт.                    Аз авали соли 2009 аз ҳама бештар нархи себ – 58,2 фоиз, шакар – 56,9, намаки майда – 29,6, тухм – 25-30, карам – 24,8, нахӯд -16,5, чой -12,5, маҳсулоти ширӣ — 13,7, моҳии зинда – 14 – 16 фоиз, қаймоқ ва шарбатҳои меваю сабзавот – 8,6, гӯшти гов – 4,6, гӯшти гӯсфанд – 4,3 ва маҳсулоти макаронӣ 3,1 фоиз баланд гардид.                    Зимнан, нархи бехпиёз – 56,5 фоиз, сабзӣ — 9,1, орди навъи 1- ум – 5, 8 фоиз арзон шуд.                     Он чиз боиси нигаронии мардум аст, ки бо вуҷуди зиёд истеҳсол гардидани гандуми ватанӣ нархи нон дар дӯкону бозорҳо бо баҳонаи боло рафтани нархи сӯзишворӣ паст нашуд.