НОМЗАДҲОИ АВВАЛИН ПЕШБАРӢ ШУДАНД

                   Душанбе, 7 январ. (АМИТ «Ховар»). — Дар Комиссияи марказии интихоботи ҷумҳурӣ бақайдгирии номзадҳо ба вакилони Маҷлиси намояндагони Маҷлиси олии ҷумҳурӣ аз ҳавзаҳои якмандатӣ давом дорад.                      То имрӯз аз Ҳизби Халқии Демократии Тоҷикистон дар ҳавзаи интихоботии № 1 (ноҳияи Фирдавсӣ) Маҳмадалӣ Ватанов — вакили Маҷлиси намояндагони Маҷлиси олии Ҷумҳурии Тоҷикистон, дар ҳавзаи интихоботии № 2 (ноҳияи Исмоили Сомонӣ) Шермуҳаммади Шоҳиён — раиси Шӯрои адлияи Ҷумҳурии Тоҷикистон, дар ҳавзаи интихоботии № 3 (ноҳияи Шоҳмансур) Сафаралӣ Раҷабов — вакили Маҷлиси намояндагони Маҷлиси олии Ҷумхурии Тоҷикистон, дар ҳавзаи интихоботии № 34 (ноҳияи Фархор) Сайфулло Гиёев – муовини раиси Суди олии Ҷумҳурии Тоҷикистон ва раиси Суди ҳарбии Ҷумҳурии Тоҷикистон ва дар ҳавзаи интихоботии № 30 (ноҳияи Ҷалолиддини Румӣ) Ҳабибулло Сайдуллоев — раиси ноҳияи Ҷалолиддини Румии вилояти Хатлон номзад пешбарӣ карда шуданд.