ШӮРОИ НАВИ САФАРУ САЙЁҲАТ

Душанбе,  30 январ. (АМИТ «Ховар», Наталя  Михайлова). —  29  январ   дар  шаҳри  Панҷакент  маросими  ифтитоҳи созмони  ҷамъиятии  «Шӯрои сафару  сайёҳати Зарафшон»  баргузор  гардид. Дар он   роҳбарону  намояндагони  муассисаҳои  туристии  минтақа,  мақомоти  ҳокимияти  давлатии  маҳаллӣ,   созмонҳои  байналхалқӣ  ва хабарнигорон  иштирок  намуданд. Дар  ҷамъомад  дар  бораи ҳадафу  вазифаҳои  созмон   ва  нақшаҳои ояндаи он  маълумоти  муфассал  дода  шуд. Шӯрои   сафару  сайёҳати  Зарафшон  7  муассисаи  туристии шаҳри  Панҷакент,  инчунин  иттиҳодияҳои   маҳаллии  туристиро  муттаҳид  менамояд. Тибқи  нақша  ояндаи  наздик   дар  ин  ҷо  маркази  маълумот  дар  бораи   ҷойҳои тамошобоби  минтақа,   курси  махсуси  тайёр  кардани  кормандони  соҳаи туризм ташкил  карда, саҳифаи  махсуси интернетӣ дар бораи  ёдгориҳои  таърихию  меъмории  водии  Зарафшон  кушода  хоҳад  шуд. Зикр  шуд, ки  намояндагони шӯро  соли  2010   дар  шаҳри  Берлин  дар  ярмаркаи   байналхалқии туристӣ  иштирок  хоҳанд  кард.