ШУРӮЪИ ВОХӮРИИ НАМОЯНДАҲОИ АҲЗОБИ СИЁСӢ БО ИНТИХОБКУНАНДАГОН

 Душанбе, 29 январ.(АМИТ «Ховар», Марзия Саидова).- Аз 30 январ дар Комиссияҳои  ҳавзавии якмандатии интихобот  оид ба интихоботи вакилони Маҷлиси намояндагони Маҷлиси Олии Ҷумҳурии Тоҷикистон вохӯрии номзадҳои ҳизбҳои сиёсии кишвар бо интихобкунандагон  дар шаҳру вилоят  ва ноҳияҳои кишвар оғоз меёбад. Дар ин хусус 28 январ Раиси Комиссияи марказии интихобот ва райъпурсии Ҷумҳурии Тоҷикистон Мирзоалӣ Болтуев ҷадвали вохӯриҳоро тасдиқ кард. Тибқи ҷадвали махсусгардонидашуда, то 24 феврал ҳизбҳои сиёсӣ барномаҳои пешазинтихоботии худро ба интихобкунандагон муаррифӣ месозанд. Аз ҷумла, чунин вохӯриҳо рӯзҳои 30 ва 31 январ дар Комиссияҳои  ҳавзавии якмандатии  интихоботии Турсунзода №5 ва Ҳисор №7 баргузор мегардад. Инчунин, то 24 феврал дар Комиссияҳои ҳавзавии якмандатии интихоботии Шоҳмансур №3, Сомонӣ №8, Рӯдакӣ № 9, Файзобод № 11, Хӯҷанд №13, Б. Ғафуров № 14, Исфара №20, Истаравшан № 23, Қӯрғонтеппа № 26,  А.Ҷомӣ №28,  Қумсангир №33,  Кӯлоб №37,  Ванҷ №40 ва Хоруғ №41 вохӯрии номзадҳои азҳоби сиёсии кишвар  бо интихобкунандагон ташкил карда мешавад.