ТАЪМИНИ АҲОЛӢ БО ҶОИ КОР ДАР КАДОМ САТҲ АСТ?

                  Душанбе, 20 январ.(АМИТ «Ховар», Марзия Саидова).- Бо мақсади таъмини аҳолӣ бо ҷои кори доимӣ дар соли 2009 дар ноҳияи Ҳисор беш аз 2 ҳазор ҷойҳои нави корӣ таъсис дода шуданд. Ҷойҳои нави корӣ асосан аз ҳисоби рушди соҳибкорӣ, бахши хизматрасонӣ ва тараққиёти минбаъдаи хоҷагиҳои деҳқонӣ таъсис дода шудаст.                    Инчунин, дар ин давра ба Раёсати Агентии давлатии ҳифзи иҷтимоӣ, шуғли аҳолӣ ва муҳоҷирати ноҳия 1 ҳазору 531 нафар шаҳрвандони бешуғл муроҷиат карданд. Бо кӯмаку дастгирии кордиҳандагон ва мусоидати бевоистаи Раёсати Агентӣ беш аз 500 нафар шаҳрвандон бо ҷои кори доимӣ таъмин гардида, 35 нафарашон бошад тавассути қарздиҳиҳои хурд бо корҳои фардию соҳибкорӣ фаро гирифта шуданд.