ТАРКИШҲО ДАР КОБУЛ

                Кобул, 18 январ. (АМИТ «Ховар» — афғонистон.ру). – Субҳи имрӯз гурӯҳи силоҳбадастони фидоӣ ба бинои Маркази савдои шаҳри Кобул зада даромада, онро ишғол намуданд. Баъди ҳуҷуми онҳо дар маркази шаҳр таркиши шадид рух дод.                 Алҳол дар бораи зарар ва қурбониёни таркиш ягон хабар нарасидааст.                   Бинои Маркази савдои Кобул дар назди Қасри Президент, бонки марказӣ, вазорати адлия ва меҳмонхонаи панҷситорадори «Сирена» воқеъ аст.                    Телевизиони «Ориёно» хабар дод, ки қувваҳои амниятии Афғонистон бинои Маркази савдоро иҳота намуда, ба он ҳуҷум оварданд. Тирпарронӣ дар маркази шаҳр давом дорад. Расонаҳои гурӯҳӣ хабар медиҳанд, ки садои таркиш ҳатто дар канораҳои Кобул шунида мешавад. Ба қавли шоҳидон мағозаи «Фурӯшгоҳи бозор» ва як қисми меҳмонхонаи «Сирена» — ро сӯхтор фаро гирифтааст.                     Масъулияти ин амали террористиро Ҷунбиши «Толибон» ба зимма гирифт.