ҚАБУЛИ БАРНОМАИ ТУХМИПАРВАРӢ

Душанбе, 26 феврал. (АМИТ «Ховар», Лаззат Диловарзод).-    Вазорати кишоварзӣ «Барномаи рушди соҳаи тухмипарварро  барои солҳои 2010 — 2014» таҳия намуд, ки он аз ҷониби Ҳукумати ҷумҳурӣ дастгирӣ ёфта, тасдиқ карда шуд. Яке аз омилҳои асосии рӯёнидани ҳосили баланди ғалладона истифодаи тухмии хушсифат мебошад. Боиси тазаккур аст, ки соли 2009 кишоварзони ҷумҳурӣ барои дастовардҳои истеҳсолӣ бо тавсияи олимони Академияи илмҳои   кишоварзии Тоҷикистон гандуми навҳои яккачини «Садоқат», «Алекс», «Зафар», «Наврӯз», «Иқбол», «Ориён» ва «Истиқлолият»- ро истифода намуданд ва ҳосили дилхоҳ гирифтанд. Соли ҷорӣ тибқи шартномаҳои дутарафа аз Федератсияи Русия гандуми навъҳои «Ласточка», «Нота», «Москвичка», «Краснодар — 99», «Ясавул» ва аз Ҷумҳурии Туркия навъҳои «Басирбай», «Пракуа», «Ҷайҳун» -ро ба ҷумҳурӣ ворид карданд, ки он барои ба даст овардани ҳосили баланд замина хоҳад гузошт.