АФЗОИШИ БЕШТАРИ МАҲСУЛОТИ КИШОВАРЗӢ ДАР НАЗАР АСТ

Душанбе, 19 феврал. (АМИТ «Ховар», Лаззат Диловарзод).- Соли ҷорӣ маҳсулоти кишоварзӣ бештар ва арзонтар хоҳад шуд, омилҳои андешидаи пешакӣ ба ин гувоҳӣ медиҳанд,- иброз доштанд дар Раёсати растанипарварии Вазорати кишоварзӣ ба мухбири АМИТ «Ховар». Бояд тазаккур дод, ки соли 2009 ба ҳамаи душвориҳо нигоҳ накарда, истеҳсоли ғалладона ба 1 млн. 294 ҳазору 679 тонна расонида шуда, 104716 тонна сабзавот,  424 ҳазору 294 тонна полезӣ, 690 ҳазору 914 тонна картошка, 138 ҳазору 473 тонна ангур, 134 ҳазору 334 тонна гӯшт, 629 ҳазору 704 тонна шир, ва 188 млн.442 ҳазор дона тухм истеҳсол карда шуд.