БА СУРАТҲИСОБИ НБО РОҒУН ЗИЁДА АЗ 706 МИЛЛИОН СОМОНӢ ВОРИД ГАРДИД

Душанбе, 12 февраль. (АМИТ «Ховар», Покиза Махмадбекова). — Аз рӯи маълумоти иттилоъи Вазорати молияи Ҷумҳурии Тоҷикистон то 10 феврали соли равон  ба суратҳисобҳои сохтмони НБО Роғун аз ҳисоби фурӯши саҳмияҳо ва сертификати саҳмияҳои ҶСК «НБО Роғун» зиёда аз 706 миллион сомонӣ ворид гардид. Аз ҷумла дар суратҳисобҳои: БДА «Амонатбонк» — 34 миллиону 618 ҳазору 831 сомонӣ, ҶСК «Ориёнбонк» — 135 миллиону 637 ҳазору 500 сомонӣ,  ҶСК «Агроинвестбонк» — 109 миллиону 52 хазору 700 сомонӣ, ҶСП «Тоҷпромбонк» — 6 миллиону 520 ҳазору 600 сомонӣ, ҶСК «Тоҷиксодиротбонк» — 12 миллиону 480 ҳазору 500 сомонӣ, ҶСП «Бонки рушди Тоҷикистон» — 1 миллиону 980 ҳазору 600 сомонӣ, ҶСП «Фононбонк» — 2 миллиону 324 ҳазору 200 сомонӣ, ҶСК «Бонки Эсхата» — 2  миллиону 119 ҳазору 300 сомонӣ ва  Хазинадории марказии Вазорати молияи Ҷумҳурии Тоҷикистон 401 миллиону 268 ҳазору 182 сомонӣ маблағ нигоҳ дошта шудааст.