БАДАХШОН ДАР МУҲОСИРА
Душанбе, 12 феврал. (АМИТ «Ховар», Лаззат Диловарзод).- Тибқи иттилои намояндаи ваколатдори ҳолатҳои фавқулодда ва мудофиаи граждании ВМКБ, ҳафтаи сипаришуда дар натиҷаи бориши зиёди барф ва фуромадани тарма байни деҳаҳои Калот ва Пастхӯфи ноҳияи Рӯшон беш аз 100 мошини пурбор ва мусофирбар беҳаракат истодаанд. Тамоми техникаи зарурӣ барои тоза кардани роҳ аз тарма ба ин қисмати роҳи Душанбе – Хоруғ оварда шудааст, аммо бо сабаби бориши зиёди барфи тар ва зиёд шудани хатари фаромадани тарма истифодаи техника барои тоза кардани роҳ муваққатан манъ карда шудааст. Аз маркази идораи обу ҳавошиносӣ иттилоъ доданд, ки рӯзҳои 13 – 16 уми феврал бориши барф дар ноҳияҳои баландкӯҳ пешбинӣ шудааст. Дар ноҳияҳои Бадахшон бориши барф ҳамоно давом дорад ва Бадахшон дар муҳосираи барфӣ қарор гирифтааст. Дар натиҷаи бориши зиёди барф миёни ноҳияи Ишкошим ва шаҳри Хоруғ – маркази Бадахшон, тармаи зиёд фаромада роҳро баст ва бар асари он як шаҳрванди шаҳри шаҳри Ваҳдат, ки тавассути автомашинаи «КАМАЗ» борашро ба ноҳияи Ишкошим бурданӣ буд, зери тарма монда ҳалок гардид.
Дар қисми низомии Вазорати мудофиаи Ҷумҳурии Тоҷикистон ҳамоиши сиёсӣ-маърифатӣ баргузор гардид
Роҳбарони парламентҳои давлатҳои Осиёи Марказӣ дар пояи муҷассамаи Исмоили Сомонӣ гулчанбар гузоштанд
Имрӯз дар баъзе ноҳияҳои кӯҳии Тоҷикистон бориши борону барф пешгӯӣ мешавад
«МегаФон Тоҷикистон»: зеҳни сунъӣ- муфид ва бехатар
ДАЪВАТИ ТИРАМОҲӢ. Нақшаи даъвати ҳарбӣ дар шаҳри Конибодом иҷро гардид
Ҷаласаи навбатии Шурои Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор гардид
Байни Маркази барномаҳои байналмилалӣ ва ширкати «Beijing Yude International Education Technology Group Co., Ltd.» Ёддошти тафоҳум ба имзо расид
ОМОДАГӢ БА ЗИМИСТОН. Ҳангоми истифодаи ангишт барои гармкунии манзил қоидаҳои бехатариро риоя намоед!
